Gəncənin Gülüstan qəsəbəsindəki küçələrin vəziyyəti ürək açan deyil. Bu sözləri sözügedən ərazidən fotoları təqdim etmiş 10-cu sinif şagirdi söyləyib.
Şəkillərdə gördüyünüz kimi, küçə enliliyində gölməçələr yaranıb. Asfalt örtüyünün olmaması isə piyadaların hərəkətini məhdudlaşdırır.
“Yağışlı hava zamanı küçə bu vəziyyətə düşür. Mən 10-cu sinifdə oxuyuram. Avtobusla dərsə gedirəm, dayanacağa çatana kimi palçıq içində oluram”, – deyə şagird söyləyib.
Şagird qeyd edib ki, şəkillər qəsəbənin nisbətən yaxşı halda olan küçəsindən çəkilib.
