Gəncədə yol infrastrukturunda nizamlama vasitələrinin yenilənməsi işləri aparılır. Bu haqda məlumatı iyulun 14-ü Azertac-a istinadən veririk.
Hazırda meteoroloji şərait nəzərə alınmaqla Gəncədə istismar müddəti keçmiş, mənaları anlaşılmayan yol nişanlarının işıqqaytarıcı elementləri yeniləri ilə əvəz edilir. Bundan başqa, silinmiş nişanlanma xətlərinin, yol-cizgi işarələrinin bərpası həyata keçirilir.
İşlər “Siqnal” İxtisaslaşdırılmış Layihə-İstehsalat İdarəsi və onun regional istismar sahələri tərəfindən həyata keçirilir.
