Gəncədə iki minik avtomobili toqquşub. Bu haqda Gencexeber.az-ın müxbiri 15 oktyabr tarixində xəbər verib.
Hadisə şəhərin Şah İsmayıl Xətai prospektində 14 oktyabr saat 23:30 radələrində baş verib.
İlkin məlumata əsasən, yanacaq doldurma məntəqəsindən yola çıxan “Mercedes” markalı maşının sürücü qoşa xətti kəsib, əks istiqamətdə hərəkən etmək istəyib. Bu zaman “VAZ-2107”-nin sürücüsü dönmə əməliyyatı zamanı səhvə yol verən maşının sol iki qapı tərəfindən vurub.
Yol-nəqliyyat hadisəsi nəticəsində “VAZ-2107”-nin sürücüsü yüngül xəsarət alıb. Hər iki avtomobil evakuator vasitəsi ilə hadisə yerindən uzaqlaşdırılıb.
Cəlb olunan polis əməkdaşları araşdırmalar aparıblar.
