Gəncədə sakini xəstəxanaya aparmaq üçün xilasedicilər cəlb olunublar. Bu haqda 27 dekabr tarixində Fövqəladə Hallar Nazirliyinə istinadən məlumat veririk.
FHN-nin “112” qaynar telefon xəttinə 1 nəfərin xəstəxanaya aparılması zərurətinin yaranması, bununla əlaqədar həkim briqadasına müvafiq köməkliyin göstərilməsi üçün müraciət daxil olub.
Əraziyə xilasetmə qüvvələri cəlb edilib. Xilasedicilərin köməkliyi ilə vətəndaş 4-cü mərtəbədəki mənzildən aşağı düşürülüb və təcili tibbi yardım briqadasına təhvil verilib.
