Gəncə sakinlərinə 1000 manat məbləğində ziyan vuran şəxslər saxlanılıb. Bu haqda məlumatı iyulun 2-si Apa-ya istinadən veririk.
Gəncə Şəhər Baş Polis İdarəsinin 4-cü Polis Bölməsinə oğurluqla bağlı müraciət daxil olmuşdur. Keçirilən axtarış tədbirləri nəticəsində Səxavət Məmmədov və Cabir Əsgərov saxlanılıblar.
Həmin şəxslər şəhər ərazisindəki bankomatların qarşısında vətəndaşların etibarından sui-istifadə edərək onların bank kartlarından 1000 manat pulu mənimsəyiblər.
Saxlanılan şəxslərin Gəncə ilə yanaşı digər şəhər və rayonlarda oxşar cinayətlərin törətməsi istisna edilimir. Onların əməllərindən zərər çəkən vətəndaşlardan DİN-in “102 Zəng Mərkəzi” Xidmətinə müraciət etmələri tövsiyə olunur.
