İribuynuzlu heyvanları oğurlayan şəxs mal-qaranı Gəncədə gizlədib. Bu haqda məlumatı avqustun 1-i Apa-ya istinadən veririk.
Göygöl Rayon Polis Şöbəsinin əməkdaşları əməliyyat-axtarış tədbirləri keçiriblər. Nəticədə Ramin Yusibov saxlanılıb. Məlum olub ki, o, iyul ayı ərzində ümumi dəyəri 10.000 manat olan 6 baş iri buynuzlu mal-qaranı oğurlayıb və Gəncədə yaşayan qayınanasının evində gizlədib.
Bundan başqa, Yusibov Kərəmli kəndindəki otlaq sahədən daha bir vətəndaşa məxsus ümumi dəyəri 2000 manat olan 2 baş iribuynuzlu mal-qaranı oğurlayaraq satıb.
Dindirilmə zamanı saxlanılan şəxs törətdiyi cinayət əməllərini etiraf edib. Faktla bağlı araşdırmalar davam etdirilir.
