Gəncə məktəbliləri respublika müsabiqəsində uğur qazanıblar. Bu haqda 25 fevral tarixində Regional Təhsil İdarəsinə istinadən məlumat veririk.
Türkdilli dövlətlərin məktəbliləri arasında “Xəmsə möcüzəsi” I respublika onlayn incəsənət müsabiqəsi keçirilib. Burada şəhərimizi Uşaq-Gənclər İnkişaf Mərkəzinin dərnək üzvləri təmsil ediblər. Nizami yurdunun yetirmələrindən Aysun Məmmədova təsviri sənət nominasiyası üzrə I, Mədinə Hüseynova isə dekorativ tətbiqi sənət nominasiyası üzrə III yerə layiq görülüblər.
