Gəncə şəhər stadionunda Premyer Liqa oyunları təşkil ediləcək. Bu haqda məlumatı avqustun 1-i Report-a istinadən veririk.
Gəncə təmsilçisinin mətbuat xidmətindən verilən məlumata əsasən, komandanın stadionu tam qənaətbəxş vəziyyətdə olmasa da, ev oyunları paytaxt Bakıda deyil, Gəncədə keçiriləcək.
Ev oyunları zamanı bilet satışının həyata keçirilib-keçirilməyəcəyi də hələlik bəlli deyil. Qəzalı vəziyyətdə olan tribunalardan birinə azarkeşlərin buraxılıb-buraxılmayacağı hələ müəyyənləşməyib.
Qeyd edək ki, Azərbaycan Premyer Liqasında 2022-2023 mövsümünə avqustun 5-də start veriləcək. İlk turda “Kəpəz” “Zirə”ni qəbul edəcək.
