“Kəpəz” növbəti dəfə cərimələnib. Bu haqda 4 may tarixində Peşəkar Futbol Liqasına istinadən məlumat veririk.
AFFA-nın İntizam Komitəsinin iclası baş tutub. Burada Misli Premyer Liqasının XXXII turunun oyunlarına baxış keçirilib.
“Kəpəz” – “Sumqayıt” oyununda rəqib futbolçuların ünvanına “Kəpəz” azarkeşləri tərəfindən kütləvi şəkildə qeyri-etik ifadələr istifadə olunub. Nəticədə təmsilçimiz 4000 manat cərimə edilib.
Bundan başqa, matç zamanı “Kəpəz” azarkeşləri tərəfindən meydançaya kənar əşya atılıb. Bu da cərimənin məbləğini 5600 manata çatdırıb.
