Gəncə təmsilçisi növbəti dəfə cərimələnib. Bu haqda 31 oktyabr tarixində Peşəkar Futbol Liqasına istinadən məlumat veririk.
İntizam Komitəsinin iclası keçirilib. Misli Premyer Liqasının XI turu çərçivəsində baş tutan “Turan Tovuz” – “Kəpəz” oyunundan sonra təmsilçimiz cərimələnib. Buna səbəb matçdan sonra klubumuzun analitiki İlkin Verdiyevin hakimləri təhqir etməsi olub. Ona ikisi şərti olmaqla beş oyunluq cəza və 3 aylıq sınaq müddəti verilib.
Bundan əlavə, görüş zamanı “sarı-göylər”in 4 futbolçusu sarı vərəqə alıb.
AFFA “Kəpəz”ə analitikin davranışına görə 4000, sarı vərəqələrə görə isə 700 manat cərimə təyin edib.
