Gəncədə ağac maşına ziyan vurub. Bu haqda Gencexeber.az-a 25 may tarixində məlumat daxil olub.
Hadisə şəhərin Xəlil bəy Xasməmmədov küçəsində qeydə alınıb. 23 may tarixində əsən güclü külək nəticəsində ağaclardan birinin iri budağı zədə görüb. Ötən gecə saat 22:50 radələrində həmin budaq ağacın yanında park edilmiş “Chevrolet” markalı avtomobilin üzərinə düşüb.
Nəticədə xəsarət alan olmayıb. İlkin məlumata əsasən, maşının kapotu, sağ tərəfdən qapısı və ön hissəsi əzilib.
