Gəncədə 27 oktyabr tarixində yanğın baş verib. Bu haqda Gencexeber.az-ın müxbiri məlumat verib.
Yol Polis idarəsinin yaxınlığında yerləşən körpünün altında yanğın hadisəsi qeydə alınıb. Əldə etdiyimiz məlumata əsasən, orada yığılan avtomobil təkərləri yandırılıb. Hadisənin kim tərəfindən törədildiyi hələlik məlum deyil.
Cağırış ünvanına gələn yanğından mühafizə bölməsinin əməkdaşları alovun söndürülməsinə nail olublar.
Qeyd edək ki, həmin ərazidən elektrik naqilləri keçir.
