Gəncədə odlu silah satmaq istəyən şəxs saxlanılıb. Bu barədə 9 avqust tarixində Daxili İşlər Nazirliyinin mətbuat xidmətinin Gəncə regional qrupu məlumat yayıb.
Kəpəz rayon polis idarəsinin əməkdaşları keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Rasim Qasımov saxlanılıb.
Saxlanılan şəxsin üzəridən bir ədəd lüləsi və qundağı kəsilmiş 16 mm-lik kallibirli tüfəng aşkar edilərək götürülüb. O, babasından qalan silahı satmaq məqsədi ilə kəsdiyini bildirib.
Götürülən maddi sübut ekspertizaya göndərilib, faktla bağlı araşdırmalar davam etdirilir.
Bundan öncə, avqustun 7-i polis əməkdaşlarının apardıqları əməliyyatlar nəticəsində şəhər sakini, əvvələr məhkum olunmuş Tural Məcnuninin üzərindən qanunsuz olaraq əldə edib saxladığı 1 ədəd “Makarov” tipli tapança, 1 ədəd tapançaya aid daraq və 4 ədəd patron aşkar edilərək götürülmüşdü.
