Gəncədə 19 sentyabr tarixində 2 nəfər oğurluq üstündə saxlanılıb. Bu haqda Daxili İşlər Nazirliyi məlumat paylaşıb.
Sentyabrın 15-də Gülüstan qəsəbəsindəki dayanacaqda M.Məmmədova məxsus “MAN” markalı avtobusdan oğurluq hadisəsi baş verib. Oradan ümumi 37.430 manat dəyərində 58 ədəd oturacaq, 1 ədəd kondisioner kompressoru, 9 ədəd təkər və 9 ədəd disk oğurlanıb.
Gəncə şəhər Baş Polis idarəsinin əməkdaşlarının keçirdikləri əməliyyatlar nəticəsində şübhəli bilinən dayanacağın gözətçisi şəhər sakini Q.İmanov və qohumu M.Məmmədov saxlanılıblar.
