Gəncədə dama və şahmat turniri keçirilib Bu haqda 21 fevral tarixində Gəncə şəhər Gənclər və İdman Baş idarəsi məlumat paylaşıb.
Baş idarənin və “Təhsil” RİM-nin Gəncə şəhər 2 nömrəli Uşaq-Gənclər İdman-Şahmat Məktəbinin birgə təşkilatçılığı ilə keçirilən turnir Xocalı Soyqırımının 30-cu ildönümünə həsr olunub. İlk öncə faciə qurbanları 1 dəqiqəlik sükutla yad olunub. İştirakçılara soyqırım haqda məlumat verilib.
Dama üzrə kadetlər və kiçik kadetlər qrupunda 27-si qız olmaqla ümumilikdə 69 yeniyetmə damaçı mübarizə aparıb. Şahmat yarışında A, B, C qrupları üzrə 51-i qız olmaqla 236 şahmatçı İsveçrə sistemi ilə iştirak edib.
Hər qrup üzrə ilk 3 yeri tutmuş oğlan və qızlar müvafiq diplomlarla təltif olunublar.
