Gəncə Cihazqayırma Zavodunda qaz sayğaclarının istehsalına başlanılıb. Bu haqda 2 iyul tarixində Azərbaycan televiziyasına istinadən məlumat veririk.
İstehsal “Azəriqaz” İstehsalat Birliyi ilə bağlanan müqavilə əsasında aparılır. İlkin mərhələdə birlik tərəfindən 10 min mexaniki sayğac sifariş edilib. Bu günədək onlardan 2 mini yığılaraq sınaq mərhələsinə ötürülüb.
Zavodun icraçı direktoru Ayət Bağırov bildirib ki, gələcəkdə elektrik sayğaclarının istehsalına da başlana bilər. Bunun üçün müəssisədə tam baza var, lazımi materiallar alınıb.
