Gəncədə təhsil müəssisələrinə işə qəbul üçün imtahan keçirilib. Bu haqda 15 may tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsinin tabeliyində fəaliyyət göstərən ümumtəhsil məktəblərində vakant olan kitabxana müdiri, kitabxanaçı və laborant vəzifələrinə işə qəbul üzrə müsabiqənin test imtahanı mərhələsi baş tutub. Burada 500-dən çox şəxs iştirak edib.
Namizədlərə 80 dəqiqə vaxt və 40 sual verilib. İştirak edən namizədlərə imtahanın nəticəsi barədə məlumatlar SMS vasitəsilə bildiriləcək.
