Gəncədə tibbi aksiya keçirilib. Bu haqda 17 aprel tarixində Birləşmiş xəstəxanaya istinadən məlumat veririk.
Aksiya Şəhər Birləşmiş Xəstəxanasının təşkilatçılığı ilə baş tutub. Akademik Zərifə Əliyevanın anadan olmasının 100 illik yubileyi münasibətilə Gəncə şəhər 4 saylı psixonevroloji sosial xidmət müəssisəsində göz müayinələri ödənişsiz həyata keçirilib.
Tədbirə Akademik Z.Məmmədov adına xəstəxananın Oftalmoloji şöbəsinin həkim və tibb bacıları cəlb ediliblər. Aksiya çərçivəsində 100 nəfərə yaxın şəxs müayinə və müalicə olunub.
