Gəncədə Roma güləşi üzrə birincilik keçirilib. Bu haqda 11 may tarixində Həmkarlar İttifaqları İdman Təşkilatlarına istinadən məlumat veririk.
Yarış Heydər Əliyevin anadan olmasının 100 illik yubileyinə həsr olunub. Burada 2009-2010-cu il və 2011-2013-cü il təvəllüdlü yeniyetmə oğlanlar iştirak ediblər. 2009-2010-cu il təvəllüdlü yeniyetmə oğlanlar arasında yarışlar 8, 2011-2013-cü il təvəllüdlülər arasında isə 5 çəki dərəcəsi üzrə baş tutub.
Tədbirdə “Spartak” KBTİC İB-nin güləşçiləri ilə yanaşı, digər idman təşkilatlarının idmançıları da güclərini sınayıblar. Burada 9 komandada 110 idmançı mübarizə aparıb. Ümumkomanda hesabında yerlər aşağıdakı kimi müəyyənləşdirilib:
- “Spartak” KBTİC İB-i – I yer;
- Gəncə şəhər İdman Liseyi – II yer;
- 9 nömrəli UGİM – III yer.
