Gəncədə “Peşə və sahə assosiasiyaları”nın yaradılmasının dəstəklənməsi ilə bağlı iclas keçirilib. Bu haqda 21 dekabr tarixində İcra Hakimiyyətinə istinadən məlumat veririk.
İclas İH-nin təşkilatçılığı ilə YAP Gəncə şəhər təşkilatında baş tutub. Burada İqtisadiyyat Nazirliyinin Gəncə-Qazax Regional bölməsinin, Dövlət Məşğulluq Agentliyinin Gəncə-Daşkəsən Regional Məşğulluq filialının, KOBİA-nın Gəncə nümayəndəliyinin və digər dövlət qurumlarının rəhbərləri, Gəncədə fəaliyyət göstərən peşə məktəbləri, sənaye müəssisələri və ictimai birliklərin nümayəndələri iştirak ediblər.
Peşə və sahə assosiasiyalarının yaradılmasının qeyri-formal məşğulluğun aradan qaldırılması, məşğulluğun təmin olunması sahəsində, eyni zamanda Gəncə şəhərinin sosial-iqtisadi cəhətdən inkişafına, əhalinin rifahının yüksəlməsinə təkan verəcəyinə inam ifadə olunub.
