Gəncədə sahibkarlar üçün növbəti təlim keçiriləcək. Bu haqda 15 may tarixində Gəncə KOB İnkişaf Mərkəzinə istinadən məlumat veririk.
“Maliyyə resurslarına giriş” mövzusunda maarifləndirici təlim KOBİM tərəfindən 16 may saat 10:30-da təşkil olunacaq. Tədbirdə iştirak ödənişsizdir. Təlim zamanı təlimçi İsa Şəfiyev aşağıdakı mövzulardan danışacaq:
- Maliyyənin önəmi;
- Gəlir-xərclərin idarə edilməsi;
- İmkanlar və güzəştlər;
- Təşkilat, strategiya və innovasiya məsələlərinin reallaşması zamanı yaranan maliyyə münasibətləri;
- İstehsal, ticarət, xidmət, ictimai əhəmiyyətli və maliyyə uçotunun necə istifadə edilməsi qaydaları;
- Mövcud maliyyə resursları və onlara çıxış.
İştirak etmək üçün (055) 213 11 24 nömrəsi ilə əlaqə saxlaya və ya [email protected] elektron poçt ünvanına müraciət etmək lazımdır.
