10.3 C
Gence
10.3 C
Gence

KOBİA və UTECA arasında görüş baş tutub

Gəncədə Kiçik və Orta Biznesin İnkişafı Agentliyinin nümayəndələri ilə (KOBİA) görüş keçirilib. Bu haqda 16 may tarixində Azərbaycan Texnologiya Universitetinə istinadən məlumat veririk.

UTECA-da baş tutan görüşdə icra başçısının müavinləri Səməd Tomuyev və Adil Tağıyev, KOBİA-nın İdarə Heyətinin sədri Orxan Məmmədov, UTECA-nın rektoru professor Akif Süleymanov, aparat rəhbəri Bəylər Mirzəzadə və rektorun müşaviri Aqil Eyvazov iştirak ediblər.

Burada Akif Süleymanov universitetin gələcək planlarından danışıb. KOBİA-nın İdarə Heyətinin sədri Orxan Məmmədov “TEKNOFEST” Azərbaycan festivalında çıxış edəcək UTECA-nın startap komandaları və layihələri ilə tanış olub. Müzakirələr zamanı KOBİA, UTECA və GİA-nın birgə təşkilatçılığı ilə Gəncə-Daşkəsən iqtisadi rayonunda sənayenin innovativ texnologiyalar əsasında inkişafı üzrə İşçi Qrupun yaradılmasına dair razılıq əldə edilib. Sənayenin innovativ texnologiyalar əsasında inkişafı proqramı və İnvestisiya Xəritəsinin yaradılması nəzərdə tutulub.

Azərbaycan Texnologiya Universitetinin rəsmi Facebook səhifəsindən foto
Azərbaycan Texnologiya Universitetinin rəsmi Facebook səhifəsindən foto

Ən Çox Oxunan