Bu gün şəhid Kərim Məmmədovun doğum günüdür.
Kərim Namil oğlu Məmmədov 5 aprel 1989-cu ildə Gəncədə anadan olub. 1995-2007-ci illərdə 27 nömrəli məktəb-liseydə təhsil alıb. 2007-ci ildə o, həqiqi hərbi xidmətə çağırılıb.
2012-ci ildən Daxili İşlər Nazirliyinin Daxili Qoşunlarında MAXE hərbi qulluqçu kimi xidmət etməyə başlayıb. Burada təhsilini davam etdirib, gizir rütbəsi alıb. 2016-cı ildə tarixə “4 günlük müharibə” kimi düşən Aprel döyüşlərində iştirak edib.
II Qarabağ müharibəsi zamanı da Kərim Vətənin keşiyində durub. Kərim Namil oğlu Məmmədov 2 oktyabr 2020-ci ildə Kəlbəcər rayonu istiqamətində gedən döyüşlərdə şəhidlik zirvəsinə ucalıb.
Şəhidimizin Vətənə əmanət iki övladı qalıb.
