Gəncədə intellektual oyun keçirilib. Bu haqda 28 aprel tarixində Gənclər Evinə istinadən məlumat veririk.
Bilik yarışı Heydər Əliyevin anadan olmasının 100 illik yubileyi münasibətilə Gənclər Evi və Gəncə İntellektual Klubunun təşkilatçılığı ilə baş tutub. “Nə? Harada? Nə zaman?” intellektual oyunu üzrə turnirdə 120 nəfər gənc iştirak edib. Sonda nəticələr aşağıdakı kimi olub:
- “Depapitos komandası” – I yer;
- “Taxteam” komandası – II yer;
- “Cahillər” komandası – III yer.
Qaliblər kubok və diplomlarla təltif ediliblər. İştirak edən bütün komandalara sertifikatlar təqdim olunub.
