Gəncənin bir saylı musiqi məktəbində hamının tanıdığı, ustad tarzən Hüseyn Verdiyev artıq səkkiz ildir ki, təqaüddədir.
Gəncədə ifaçılıq sənətinin inkişafına öz tövhəsini vermiş Hüseyn müəllim özü də bir saylı musiqi məktəbində bu sənətin sirrlərinə yiyələnib. Müəllimin iştirak etdiyi məclislər onun ifa etdiyi Şur muğamı olmadan keçmirdi.
Qeyd edək ki, ustad tarzən 25 avqust 1943-cü ildə anadan olub. 1963-cü ildə Üzeyir Hacıbəyov adına konservatoriyanın tar şöbəsinə daxil olub və altı il sonra oranı bitirib. Hüseyn müəllim böyük tarzən Adil Gərayın tələbəsi olmuşdur.
