Gəncədə “Red Bull Neymar Jr’s Five” futbol turnirinin seçim mərhələsi 12 sentyabr tarixində keçiriləcək. Bu haqda məlumat Redbull-un rəsmi səhifəsində paylaşılıb.
Yarışa qatılmaq istəyənlər sabah, 22 avqust tarixindən etibarən Redbull.com səhifəsində qeydiyyatdan keçməlidirlər.
Turnirdə 18-35 yaş arası 5 oyunçudan ibarət komandalar iştirak edə bilər. Dünya finalına bilet qazanmaq istəyən heyyət bütün rəqiblərini üstələməlidir.
Oyun qaydalarını təqdim edirik:
- Hər komanda 5 nəfərlik heyyətlə oyuna çıxacaq. Komandalarda qapıçı olmayacaq.
- Qol vurulan zaman rəqib komandadan bir nəfər oyundan çıxır.
- Oyun 10 dəqiqə və ya komandalardan birində oyunçu qalmayana qədər davam edir.
Qeyd edək ki, dünya finalında yer alan komandanın Neymar Jr və dostları ilə qarşı-qarşıya gəlmək şansı olacaq.
