Gəncədə aztəminatlı ailələr üçün yardım aksiyası təşkil ediləcək. Bu haqda 4 avqust tarixində 1 saylı Vəkil Bürosuna istinadən məlumat veririk.
Aksiya Gəncə şəhərində və ətraf rayonlarda yaşayan aztəminatlı əhaliyə, həmçinin şəhid ailələrinə və Vətən müharibəsi iştirakçılarına şamil edilir. Burada 6 avqust tarixində saat 11:00-dan 16:00-dək 1 saylı Vəkil Bürosunun vəkilləri onlara ödənişsiz hüquqi yardım göstərəcəklər.
Görüş büronun inzibati binasında təşkil olunacaq. Ünvan Cavad xan küçəsi, 53-dür.
