Su və kanalizasiya sisteminin yenilənməsi ilə bağlı tenderə yekun vurulub. Bu haqda məlumatı avqustun 8-i Apa-ya istinadən veririk.
“Azərsu” ASC “Gəncə şəhərinin su təchizatı və kanalizasiya sisteminin yenidən qurulması” işlərinin satın alınması ilə bağlı tenderin yekunlarını açıqlayıb.
Müsabiqənin qalibi “Maqro Construction MMC-nin Azərbaycan Respublikasındakı filialı və “AKM Yapı Taahhüt Sanayti ve Ticaret Şirketi” Birgə Müəssisəsi seçilib. Müqavilənin ümumi dəyəri 49,5 milyon manatdır.
Qeyd edək ki, şirkət 2025-ci ilin sonuna kimi Gəncə şəhərinin su təchizatı və kanalizasiya sisteminin yenilənməsi ilə bağlı işləri başa çatdıracaq.
