Gəncəyə kommunal sahədə istismar üçün yeni texnika gətirilib. Bu haqda 6 sentyabr tarixində İcra Hakimiyyətinə istinadən məlumat veririk.
Mənzil Kommunal Təsərrüfatı İstehsalat Birliyi müxtəlif təyinatlı daha bir neçə texnika alıb. Bununla əlaqədar olaraq, icra başçısı Niyazi Bayramov Heydər Əliyev Park-Xiyaban Kompleksindəki Zəfər Tağının önündə sözügedən texnikalara yerində baxış keçirib. Tədbirdə YAP Gəncə şəhər təşkilatının sədri, ADAU-nun rektoru, Qafqaz Müsəlmanlar İdarəsinin Qazılar Şurasının üzvü, bələdiyyə sədrləri, İcra Hakimiyyəti başçısı Aparatının məsul əməkdaşları, MKTİB-nin rəisi, idarə, müəssisə, təşkilat rəhbərləri və şəhər sakinləri iştirak ediblər.
Birliyin sədri Nurəhməd Əhmədov bildirib ki, qurumun maddi-texniki bazasını yüksəltmək məqsədilə 1 ədəd traktor, 2 ədəd xüsusi təyinatlı nəqliyyat vasitəsi, 1 ədəd tozsoran, 1 ədəd yollarda çizgi çəkən maşın, 2 ədəd kiçik qabaritli məişət tullantılarının daşınması üçün nəzərdə tutulan motoroller, 1 ədəd odun üyüdən aqreqat alınıb.
Niyazi Bayramov şəhərin təmiz, səliqəli saxlanılmasında və digər işlərində MKTİB-nin texnikalarının əvəzsiz xidmətləri olduğunu vurğulayıb. O, öz tapşırıq və tövsiyələrini verib.
